Jugendfestlied

(Musik und Text von Olaf Kirchgraber)

Mir händ es Jugendfescht, es Jugendfescht,
das hämmer hämmer wiider
Mir händ es Jugendfescht und ich bi wider debii.
Mir händ es Jugendfescht, es Jugendfescht,
das hämmer hämmer wiider.
Mir händ es Jugendfescht, es chönnt nüt schönner sii.

Ich gang in d’Altstadt mit em ganze Schuelhuus
und lauf verchleidet dört die Strosse entlang.
Und d’Mensche stönd am Rand und luege zum Huus uus,
bi de grosse Bühni ghörsch denn öise Gsang.
Mir singe:

Mir händ …

Es git für alle Chind es Jugendfeschtseckli,
so gniess ich gratis doo de ganzi Spass.
Mit mine Fründe zieni dur das Stedtli,
und chunnt’s cho räägne, jo denn wird ich nass
und singe:

Mir händ …

Jedes zweiti Joor händ mir die Party,
si isch für d’Jugend do e grossi Sach.
Und isch’s es gräders Joor, jänu, denn wart ich,
uf dass es ungraads chunnt, und weisch, was ich mach?
Ich singe:

Mir händ …